Díli, 27 Fevereiru 2026. Prezidente Komisaun Ezekutiva BTL, E.P, Gustavo da Cruz partisipa iha 𝑓𝑖𝑛𝑎𝑙 𝑝𝑟𝑜𝑗𝑒𝑐𝑡 𝑏𝑜𝑎𝑟𝑑 𝑚𝑒𝑒𝑡𝑖𝑛𝑔 kona-bá “𝑆𝑎𝑓𝑒𝑔𝑢𝑎𝑟𝑑𝑖𝑛𝑔 𝑅𝑢𝑟𝑎𝑙 𝐶𝑜𝑚𝑚𝑢𝑛𝑖𝑡𝑖𝑒𝑠 𝑎𝑛𝑑 𝑇ℎ𝑒𝑖𝑟 𝑃ℎ𝑖𝑠𝑖𝑐𝑎𝑙 𝐴𝑠𝑠𝑒𝑡𝑠 𝑓𝑟𝑜𝑚 𝐶𝑙𝑖𝑚𝑎𝑡𝑒-𝐼𝑛𝑑𝑢𝑐𝑒𝑑 𝐷𝑖𝑠𝑎𝑠𝑡𝑒𝑟𝑠 𝑖𝑛 Timor-Leste (TL)”. Sorumutu ne'e organiza hosi UNDP UNDP Timor-Leste no realiza iha Kofi Annan 𝑚𝑒𝑒𝑡𝑖𝑛𝑔 𝑟𝑜𝑜𝑚, Caicoli.
Reuniaun finál ne’e, hodi aprezenta rezultadu komulativu, saída/outputs no rezultadu sira ligadu ho alvu/metas ne’ebé aprova ona, halo análize ou revizaun ba estatutu implementasaun finál, ezekusaun finanseira no kompromisu ko-finansiamentu nomos aprovasaun ba planu enseramentu prejetu nian inklui prosedimentu sira entrega patrimóniu nian no arranju sustentabilidade ho omólogu nasionál no munisipál sira.
Perante reuniaun ne’e, iha mos aprezentasaun sira, hodi haree ninia progresu no dezafiu liu-liu projetu hirak ne’ebé mak finaliza ona, projetu 𝑜𝑛𝑔𝑜𝑖𝑛𝑔 nomos obra ne’ebé iha hela faze retensaun nian, atu nune’e 𝑏𝑜𝑎𝑟𝑑 bele foti desizaun.
Rekorda katak, projetu ne’ebé finansia hosi 𝐺𝑟𝑒𝑒𝑛 𝐶𝑙𝑖𝑚𝑎𝑡𝑒 𝐹𝑢𝑛-GCF ho ko-finansiamentu hosi Governu ne’e mak kompostu hosi estrada rurál, sistema bee, irigasaun no reflorestasaun. Projetu ne'e implementa iha Munisípiu lima, hanesan Aileu, Liquiça, Lautém, Baucau no Viqueque, hahú iha tinan 2020 no sei konklui iha fulan marsu tinan 2026 ne’e.
Partisipa iha 𝑓𝑖𝑛𝑎𝑙 𝑝𝑟𝑜𝑗𝑒𝑐𝑡 𝑏𝑜𝑎𝑟𝑑 𝑚𝑒𝑒𝑡𝑖𝑛𝑔 ne'e, hosi parte Ministériu Obras Públikas (MOP), Ministériu Finansas (MF), Ministériu Interiór (MI), Ministériu Komérsiu no Indústria (MKI), Ministériu Agrikultura no Peska (MAP), ANLA, I.P, Prezidente Autoridade Munisípiu no entidade relevante sira seluk.
Fahe ba Sosial Media:
